Navigation Menu
Attock

Attock

  • Author: mna90
  • Date Posted: Jan 12, 2017
  • Category:
  • Address: attock

اٹک

ضلع اٹک پنجاب اور خیبر پختونخوا کی سرحد پر دریائے سندھ کے کنارے آباد ہے۔ انتظامی تقسیم کے مطابق یہ پنجاب کا پہلا ضلع ہے جسے دریائے کابل اور دریائے سوات صوبہ خیبر پختونخوا سے الگ کرتے ہیں۔ یہ دونوں دریا اسی شہر میں یک کا ہوجاتے ہیں۔ ضلع کی سرحدیں ضلع راولپنڈی، میانوالی اور چکوال سے ملتی ہیں۔ اسے برطانوی حکومت نے بطور چھائونی آباد کیا تو اس کی بنیاد رکھنے والے سرکولن کیمبل کے نام پر کیمبل پور رکھا گیا۔ 1904ء میں اسے ضلع جہلم سے الگ کرکے ضلع کا درجہ دیا گیا تھا۔ اٹک کا مشہور قلعہ اکبر اعظم نے اس وقت بنوایا جب وہ اپنے سرکش سوتیلے بھائی مرزا حکیم کو شکست دینے کے بعد کابل سے واپس آرہا تھا۔ اس قلعہ پر مرہتے اور سکھ قابض رہے، آج یہ فوج کے زیر انتظام ہے۔ قلعے میں بہت بڑی جیل ہے جہاں وزیراعظم نواز شریف اور ان کے بھائی وزیراعلیٰ پنجاب شہباز شریف کو قید رکھا گیا۔ سکھ مذہب کی عبادت گاہ گوردوارہ پنجہ صاحب ضلع اٹک کے شہر حسن ابدال میں واقع ہے۔ حسن ابدال، فتح جنگ، جنڈ، حضرو اور پنڈی گھیب اس کی تحصیلیں ہیں۔ ضلع اٹک میں عمومی طور پر پشتو، ہندکو، اردو، انگریزی، پنجابی وغیرہ بولی جاتی ہیں۔ پاکستان کی طیارہ ساز فیکٹری کامرہ بھی اسی شہر میں واقع ہے۔ یہاں کی 90 فیصد آبادی دیہی ہے اور لوگ کاشتکاری سے منسلک ہیں۔ تحصیل پنڈی گھیب کے گائوں ڈھلیاں میں تیلس اور گیس کے وافر ذخائر موجود ہیں۔

Share This