Navigation Menu
Mandi Bahauddin

Mandi Bahauddin

  • Author: mna90
  • Date Posted: Jan 12, 2017
  • Category:
  • Address: mandi bahuddin

منڈی بہاؤ الدین

 

دریائے جہلم اور چناب کے درمیان واقع ضلع منڈی بہائو الدین پنجاب کے زرخیز اضلاع میں سے ہے۔ بیشتر لوگوں کا ذریعہ معاش کھیتی باڑی ہے تاہم سمندر پار پاکستانیوں کی بہت بڑی تعداد بھی لوگوں کے انفرادی معاشی حالات بہتر بنانے میں معاون ہے۔ بار کے علاقے میں کنو بہت بڑے پیمانے پر کاشت کیا جاتا ہے جس کی ملک بھر میں بڑی مانگ ہے۔ دو شوگر ملوں کے علاوہ یہاں دیگر قابل انڈسٹریل نہیں ہے۔ چھوٹے یونٹوں میں فرنیچر سازی اور ٹیکسٹائل کے آلات بنائے جاتے ہیں۔ مشرق میں دریائے جہلم اسے ضلع جہلم سے جدا کرتا ہے تو جنوب میں چناب اس کے اور ضلع گوجرانوالہ کے درمیان آجاتا ہے۔ منڈی بہائو الدین کو 1506ء میں بہائو الدین گوندل نے موجودہ چک نمبر 51 کے قریب بسایا تھا۔ اس وقت اس کا نام پنڈی بہائو الدین تھا۔ اس کی جغرافیائی اہمیت کے پیش نظر یہاں باہر سے آکر لوگ آباد ہونے لگے اور کچھ عرصے بعد یہ بڑا کاروباری مرکز بن گیا۔ یہاں قائم ہونے والی غلہ منڈی کی وجہ سے اسے منڈی بہائو الدین کہا جانے لگا۔ اسے 1993ء میں ضلع کا درجہ دیا گیا تھا۔

Share This