Navigation Menu
Qila Abdullah

Qila Abdullah

  • Author: mna90
  • Date Posted: Jan 11, 2017
  • Category:
  • Address: Qila Abdullah, Balochistan

قلعہ عبداللّٰہ

 

قلعہ عبداللہ جنگ آزادی کے عظیم ہیرو غازی عبداللہ خان کے نام سے منسوب ہے۔ جنہوں نے انگریز کے بڑھتے ہوئے تسلط کو روکنے کے لیے یہاں قلعہ تعمیر کرایا تھا۔ قلعہ عبداللہ کو 1994ء میں پشین سے الگ کرکے ضلع کی حیثیت دی گئی تھی۔ مشرق میں اس کی حدود پشین جبکہ جنوب میں کوئٹہ اور مغرب میں افغانستان سے جاملتی ہیں۔ کوئٹہ قندھار شاہراہ پر ہونے کی وجہ سے قلعہ عبداللہ کی اہمیت ہر دور میں رہی ہے۔ یہی وجہ ہے کہ ہر دور میں یہ سیاسی اور انتظامی سرگرمیوں کا مرکز رہا ہے۔ درہ خوجک اور برصغیر کی سب سے بڑی ریلوے سرنگ خوجک بھی اسی علاقے میں ہے۔ ضلع میں پانی کا ذریعہ برساتی نالے ہیں البتہ دریائے کرم اور دریائے پشین کچھ علاقوں کو سیراب کرتے ہیں۔ موسم سردیوں میں سخت سرد اور گرمیوں میں سخت گرم ہوتا ہے۔ پوپلازئی اور مشلاکھ میں کچھ جنگلات تھے لیکن وہ افغان مہاجرین کی آمد کے بعد ختم ہوگئے ہیں۔ زندگی کا پہیہ بھیڑ بکریوں کی افزائش سے چلتا ہے۔ مقامی افراد دودھ، اون اور گوشت بیچ کر گزارا کرتے ہیں۔ لوگوں کی اکثریت ٹرانسپورٹ کے شعبہ سے بھی منسلک ہے۔

Share This