Navigation Menu
Rahim yar khan

Rahim yar khan

  • Author: mna90
  • Date Posted: Jan 12, 2017
  • Category:
  • Address: rahim yar khan

رحیم یار خان

 

ضلع رحیم یار خان جنوبی پنجاب کا اہم تجارتی اور کاروباری مرکز ہے۔ دریائے سندھ کے قریب ہونے کی وجہ سے یہ ضلع پنجاب کے زرخیز زمین خطوں میں سے ہے۔ بیشتر لوگوں کا ذریعہ معاش کھیتی باڑی ہے۔ سفید سونا (کپاس) اور میٹھے رسیلے آم علاقے کی پہچان ہے۔ یہاں خطہ کے دیگر اضلاع کی نسبت کاروبار کے زیادہ مواقع ہونے کی وجہ سے دیگر شہروں سے لوگوں کی نقل مکانی میں اضافہ ہوا ہے۔ اس ضلع میں چولستان کا وسیع و عریض صحرا بھی ہے، جو بھارتی علاقے جیسلمیر تک جاتا ہے۔ اس کی چار تحصیلیں خان پور، لیاقت پور، صادق آباد اور رحیم یار خان ہیں۔ خانپور اس ضلع کا قدیم علاقہ ہے جہاں کا کچا کھویا مشہور سوغات ہے۔ ججہ عباسیاں کی کھجور کی ملک بھر میں مانگ ہے۔ شکار کی غرض سے آنے والے متحدہ عرب امارات کے حکمران شیخ زید بن سلطان النہیان کو اس علاقے سے خاص محبت تھی۔ انہوں نے یہاں کافی ترقیاتی کام کرائے تو اپنے لیے بڑے بڑے محل بھی تعمیر کرائے۔ چولستان عرب شہزادوں کی پسندیدہ شکار گاہ ہے۔

Share This