Navigation Menu
Rajanpur

Rajanpur

  • Author: mna90
  • Date Posted: Jan 12, 2017
  • Category:
  • Address: rajanpur

راجن پور

 

پنجاب، بلوچستان اور سندھ کے سنگم پر واقع ضلع راجن پور چند بڑے خاندانوں کی ’’جاگیر‘‘ ہے جو انہیں انگریزوں نے عطا کی تھی۔ ہشت زبان صوفی شاعر خواجہ غلام فرید کا مزار اسی ضلع کے قدیم شہر کوٹ مٹھن میں واقع ہے۔ راجن پور کا صحت افزا مقام ’’ماڑی‘‘ نہایت زیادہ ٹھنڈا، دلکش اور خوبصورت ہے۔ سیلاب اور بارش کے دنوں میں ایک طرف سے دریائے سندھ علاقے کو تباہ کرتا ہے تو دوسری جانب کوہ سلیمان سے اترنے والی رود کوہیوں کا ریلہ سونامی کی طرف مجبور اور بے خبر لوگوں کو آلیتا ہے۔ اس کے باوجود ضلع میں پینے کے پانی کی شدید قلت ہے۔ نہریں ششماہی اور بیشتر علاقوں کا زیر زممین پانی کڑوا ہے جس کی وجہ سے یہاں کے کھیتوں اور کھلیانوں میں بھوک اگتی ہے اور کسان غربت کی فصل کاٹتا ہے۔ یہاں مضبوط پنچائتی نظام رائج ہے۔ ملزم کو کبھی ’’میر صاحب‘‘ کی ’’مقدس دیوار‘‘ کی جانب منہ کرکے قسم کھانا پڑتی ہے تو کبھی آگ سے گزر کر اپنے بے گناہی ثابت کرنا ہوتی ہے۔

Share This