Navigation Menu
Sheikhupura

Sheikhupura

  • Author: mna90
  • Date Posted: Jan 12, 2017
  • Category:
  • Address: sheikhupura

شیخوپورہ

 

شیخوپورہ پنجاب کے ضلع شیخوپورہ کا صدر مقام ہے۔ پہلے یہ گوجرانوالہ کی تحصیل تھا، 1922ء میں اسے ضلع کی حیثیت مل گئی۔ لاہور، ننکانہ صاحب، حافظ آباد، فیصل آباد، گوجرانوالہ اور نارووال کے اضلاع میں گھرے اس ضلع کی سرحد مشرق میں بھارتی پنجاب سے بھی ملتی ہے۔ انتظامی طور پر اسے شیخوپورہ، مرید کے ، شرقپور، فیروز والا اور صفدر آباد کی تحصیلوں میں تقسیم کیا گیا ہے۔ شہنشاہ اکبر اپنے بیٹے جہانگیر کو شیخو کے نام پر پکارتا تھا، شیخو شکار کا شوقین تھا، یہ علاقہ شکار کے لیے موزوں ملا تو بادشاہ نے یہاں قلعہ بنوادیا اور شیخو کے نام پر اسے شیخوپور کہا جانے لگا۔ شکار کے دوران جہانگیرکے اپنے ہاتھوں اس کا پالتو ہرن منس راج مارا گیا تو اس نے اس کی یاد میں یادگار ہرن مینار بنادیا جو آج علاقے کے لوگوں کے لیے تفریح گاہ ہے۔ پنجابی زبان میں شیکسپیئر کہلانے والے شاعر وارث شاہ نے اپنی مشہور لوک داستان ہیر رانجھا شیخوپورہ کے گائوں جنڈیالہ شیرخاں میں مکمل کی تھی۔ درگاہ عالیہ شرقپور اس علاقے میں روحانیت کا منبع ہے۔ شرقپور کے کوزے میں بنے رس گلے اپنی مثال آپ ہیں۔ شیخوپورہ زرخیز علاقہ اور پاکستان کا ایک بڑا صنعتی حب ہے۔ شیخوپورہ سے لاہور اور فیصل آباد تک حد نظر صنعتوں کا جال نظر آتا ہے، جن میں ٹیکسٹائل انڈسٹری سرفہرست ہیں۔

Share This