Navigation Menu
Sukkur

Sukkur

  • Author: mna90
  • Date Posted: Jan 12, 2017
  • Category:
  • Address: sukkur

سکھر

 

سکھر سندھ کے اہم تجارتی مراکز میں سے ایک ہے۔ یہ ضلع گھوٹکی، شکاپور اور خیرپور کے اضلاع میں گھرا ہوا ہے۔ دریائے سندھ کنارے آباد سکھر کی معیشت کا تمام انحصار زراعت پر ہے۔ یہاں کا صنعتی علاقہ بالائی سندھ کی صنعتی ضروریات پوری کرتا ہے۔ دریائے سندھ پر قائم سکھر بیراج سندھ کے نہری نظام میں ریڑھ کی ہڈی کی حیثیت رکھتا ہے۔ قینچی والا پل، ایوب برج اور معصوم شاہ کا مینار یہاں کے اہم مقامات ہیں۔ دریا کے وسط میں بکھر کا جزیرہ ہے۔ اسے سادبیلا بھی کہتے ہیں جہاں ہندوئوں کا مندر ہے۔ حیرت انگیز بات یہ ہے کہ جتنی دفعہ بھی سیلاب آیا اس مندر کو کبھی نقصان نہیں پہنچا۔ سکھر اور روہڑی کے درمیان دریائے سندھ میں کشتیوں کے ذریعے بھی سفر کیا جاتا ہے۔ اس کی تحصیل پنو عاقل اپنے گھوڑوں اور فوجی چھائونی کی وجہ سے مشہور ہے۔

Share This